A cavallo del 2000 venivo spesso
giù in treno dalla Germania e lo spettacolo che mi si
offriva dopo la Chiusa di Ceraino era deprimente
Altrocchè Bella Italia!

Ciao
Michele


Valpolesela Domila


Vegno so' col baticor
par amirar el to slusor.
Ma a Domejara la prima massada:
pora dona i t'a' mesa sbuelada.
Ma che i vaga tuti in mona
lori col so rosso de Verona!

"Valpolesela, come te eri bela!"

El Pastel l'e' rosso de rabia:
i g'a' roba' l'anema de piere e de sabia.
Li gh'e' cave e busi dapartuto:
le contre' se dimanda: ci elo el pi' bruto?
Un udor de merda vien su da Arce':
i cocai svolassa godendose asse'.

"Valpolesela, come te eri bela!"

Vedo Monterico e ghe credo a stento
che i t'abia stofega' col cimento.
Sentado zo vissin ala Sengia Sbusa
drento tuto boje, tuto me brusa:
la zo' Negrar no sta mia mejo:
mama mia che roejo!

"Valpolesela, come te eri bela!"

No resta che consolarse col Recioto,
ma par Dio, sa g'alo 'sto goto?
O capio. I bacani i pensa a far sghei
invelenando 'sti pori butei.
G'o' i stornisi, me sento mal
ando sito anda', Maria dal Tramanal?

"Valpolesela, come te eri bela!"

Qua l'acoa neta i se l'insogna:
el Progno i l'a' ridoto a 'na fogna
Anca l'Adese, come mi, el sta mal
a catar su la merda de tuta la val.
A Parona nol tien pi' bota
a vedar so sorela cosita malridota.

"Valpolesela, come te eri bela!"

El le pensa ne la so testa
con le poche lagrime che ghe resta.
E lassandola el ghe sussura sconsolado:
"Vecia mia, sa n'ai combinado"?